Një debat me tone të ashpra mes deputetit të PD-së Flamur Noka dhe deputetit të PS-së Ulsi Manja ka ndodhur në emision “Studio e Hapur” në “News 24”. Manja e ka pyetur Nokën e cilat janë tre gjerat që ka bërë në kohën kur drejtonte ministrinë e Brendshme.
Kaq është dashur që demokrati të nisë të flasë, por ndërhyrjet e deputetit socialit e kanë besdisur dhe ka reagur ashpër duke i thënë “pusho”.
Noka: Çfarë kam bërë unë?
Manja: Po tre gjëra mi thuaj…
Noka: Atëherë kam drejtuar një ministri në mënyrë dinjitozë dhe zot ti nuk guxon të më drejtosh gishtin.
Manja: Po çfarë ke bërë ti…
Noka: E kam drejtuar në mënyrë dinjitoze duke filluar nga kryeministri jot…A do përgjigje, a do përgjigje…
Manja: Po…
Noka: Ta sqaroj unë ta sqaroj unë çfarë kam bërë. Unë kam drejtuar një ministri për një vit e tre muaj e kam drejtuar në emër të ligjit.
Manja: Vazhdo…
Noka: Ti nuk ke guxuar të më drejtosh gishtin që jam i inkriminuar dhe kriminel. Pusho të flas unë, a do pushosh të flas unë?